✴ सकाळच्या पहिल्या सूर्यकिरणासोबत आपल्या मोबाईलवर येणारी पहिली पोस्ट
~~~~~~~~~~~~~~~~~~~
3⃣ 🎤 *फ्रेश मॉर्निंग बुलेटीन* 🎤 3⃣
( फ्रेश शालेय परिपाठ )
🕖 प्रसारण : सकाळी 06:50 ते 07:00
( रविवार आणि सुट्टी वगळून )
~~~~~~~~~~~~~~~~~~~
🎇 दि. 01/08/2022 वार - सोमवार
•••••••••••••••ஜ۩۞۩ஜ•••••••••••••••
🌷 🎇. *दिनविशेष . 🎇* 🌷
•••••••••••••••ஜ۩۞۩ஜ•••••••••••••••
*लोकशाहीर अण्णाभाऊ साठे जयंती*
*लोकमान्य टिळक पुण्यतिथी*
💥 ठळक घडामोडी :-
■ १९९४- भारतातील रेल्वे प्रवाशांसाठी विमा योजना लागू झाली.जगातील अशा तऱ्हेची पहिली योजना.
■ २००१-सोलापूर विद्यापीठाची स्थापना.
■१९९६ - मायकेल जॉन्सनने २०० मीटर अंतर १९.३२ सेकंदात धावून विश्वविक्रम रचला.
💥 *जन्म* :-
◆ १८९९-कमला नेहरू, जवाहरलाल नेहरू यांच्या पत्नी.
◆ १९१० - मोहम्मद निसार, भारतीय क्रिकेट खेळाडू.
१९२० - लोकशाहीर अण्णाभाऊ साठे
◆ १९५२ - यजुर्वेन्द्रसिंग, भारतीय क्रिकेट खेळाडू.
◆ १९५५ - अरूणलाल, भारतीय क्रिकेट खेळाडू.
💥 *मृत्यू* :-
● १९२० - बाळ गंगाधर टिळक, भारतीय स्वातंत्र्यसैनिक, साहित्यिक, वृत्तपत्र संपादक.
●२००८-हर किशन सिंग सुरजित, मार्क्सवादी नेते.
*संकलक :- संतोष रहांगडाले गोंदिया*
📱 9404277298
•••••••••••••••ஜ۩۞۩ஜ•••••••••••••••
🌷 *आजच्या ठळक बातम्या*🌷
•••••••••••••••ஜ۩۞۩ஜ•••••••••••••••
1⃣ *शेतकऱ्यांसाठी आनंदाची बातमी! 12 लाख टन अतिरिक्त साखर निर्यातीला मंजुरीची शक्यता, नुकत्याच झालेल्या मंत्रिगटाच्या बैठकीत साखर निर्यातीचा अतिरिक्त कोटा मंजूर करण्यात आला. यासंदर्भात लवकरच अधिसूचना जारी करण्यात येणार आहे.*
•••••••••••••••••••••••••••••••••••••
2⃣ *भारतात ऑक्टोबरपासून 5G सेवा सुरु होणार, केंद्रीय मंत्री अश्विनी वैष्णव यांची घोषणा*
•••••••••••••••••••••••••••••••••••••
3⃣ *आयसिस कनेक्शनवरुन देशभरात एनआयएची छापेमारी, कोल्हापूरच्या हुपरीमधून एकजण ताब्यात*
•••••••••••••••••••••••••••••••••••••
4⃣ *शिवसेना नेते आणि खासदार संजय राऊत यांना अखेर ईडीकडून अटक करण्यात आली आहे.*
•••••••••••••••••••••••••••••••••••••
5⃣ *आश्रमशाळांमध्ये अध्यापन करणाऱ्या शिक्षकांनाही आता ‘जागतिक दर्जाचे भविष्यवेधी शिक्षण विचार’ या संकल्पनेंतर्गत प्रशिक्षण देण्यात येत आहे. विभागाचे अपर मुख्य सचिव नंदकुमार यांच्या मार्गदर्शनाखाली नुकतेच राज्यस्तरीय कार्यशाळेचे आयोजन करण्यात आले होते.*
•••••••••••••••••••••••••••••••••••••
6⃣ *बर्मिंगहम : राष्ट्रकुल क्रीडा स्पर्धांमध्ये आज भारत आणि पाकिस्तान यांच्या महिला संघाचा क्रिकेट सामना पार पडला. भारतीय संघानं या सामन्यात पाकिस्तानला पराभूत केलं आहे*
•••••••••••••••••••••••••••••••••••••
7⃣ *महाराष्ट्राच्या मुख्यमंत्र्यांकडून वेटलिफ्टर संकेत सरगरला तीस लाखांचे पारितोषिक जाहीर*
•••••••••••••••••••••••••••••••••••••
*📷 वृत्त संकलक - कुणाल पवारे 📹*
📱 9960358300
~~~~~~~~~~~~~~~~~~~
•••••••••••••••ஜ۩۞۩ஜ•••••••••••••••
*✈ 🚀 गुगलयान ✈ 🚀*
•••••••••••••••ஜ۩۞۩ஜ•••••••••••••••
श्रावण मासारंभ निमित्ताने प्रासंगिक लेख
*श्रावण पाळा ; आजार टाळा*
हिंदू धर्मात श्रावण महिन्याला अनन्यसाधारण असे महत्व आहे. या महिन्यात बहुतांश लोकं देव देव करण्याकडे वळतात. मांसाहार खाणारे ह्या महिन्यात वर्ज्य करतात. काही लोकं या महिन्यात केस कापणे देखील टाळतात. पूर्ण महिनाभर हिंदू धर्मातील मंडळी कोणतेही अधर्म होऊ नये याची काळजी घेतात. यामागे धार्मिकसोबत काही वैज्ञानिक कारणे आहेत. जसे की या महिन्यात मांसाहार वर्ज्य करणे........
https://nasayeotikar.blogspot.com/2019/07/blog-post_31.html
वाचून आपल्या प्रतिक्रिया जरूर दद्याव्यात
~~~~~~~~~~~~~~~~~~~
✍ कथालेखक
*नासा येवतीकर, धर्माबाद*
9423625769
~~~~~~~~~~~~~~~~~~~
•••••••••••••••ஜ۩۞۩ஜ•••••••••••••••
🌷🍃 *काव्यांगण - रोज एक कविता* 🌷🍃
•••••••••••••••ஜ۩۞۩ஜ•••••••••••••••
श्रावण
हिरव्या हिरव्या गवततृणाचे
लेऊन अलंकार मखमालीचे
सजली ही अवघी वसुंधरा
आला नाचत श्रावण हसरा...
विविध सणांची घेऊन बरसात
अंगणी बहरला हा पारिजात
मादक,मोहक गंधाचा फुलोरा
आला नाचत श्रावण हसरा...
हर्ष भरूनी मनी मानसी
हितगूज चाले फुलापानांशी
रिमझीम रिमझीम वर्षाधारा
आला नाचत श्रावण हसरा...
हिरवी हिरवी सजली सृष्टी
सौंदर्याची देऊनी दृष्टी
हर्षोल्हास भरूनी सारा
आला नाचत श्रावण हसरा...
सौ. रूपाली गोजवडकर
सहशिक्षिका
जि.पकें.प्रा.शाळा वाजेगाव
नांदेड.
8007874965
•••••••••••••••ஜ۩۞۩ஜ•••••••••••••••
🌹 *" फ्रेश सुविचार "* 🌹
•••••••••••••••ஜ۩۞۩ஜ•••••••••••••••
*" एक मिनिट उशिरा येण्यापेक्षा तीन तास लवकर येणे चांगले.”*
*संकलन :- सौ. सुभद्रा खेडकर, बीड*
📱 9403593764
•••••••••••••••ஜ۩۞۩ஜ•••••••••••••••
❓ *आजची प्रश्नमंजुषा* ❓
•••••••••••••••ஜ۩۞۩ஜ•••••••••••••••
१) महाराष्ट्र पक्षिमित्र संघटनेस नुकताच कोणता आंतरराष्ट्रीय पुरस्कार जाहीर झाला आहे ?
२) महामहिम राष्ट्रपती द्रौपदी मुर्मू कोणत्या समाजातील आहेत ?
३) २०४८ मध्ये कोणत्या देशाने ऑलिंपिक खेळ आयोजित करण्याची घोषणा केली आहे ?
४) पाकिस्तान येथे नुकत्याच पहिल्या हिंदू महिला DSP कोण झाल्या आहेत ?
५) तामिळनाडू राज्याचे मुख्यमंत्री कोण आहेत ?
*उत्तरे :-* १) आंतरराष्ट्रीय IGEN IVD स्वयंसेवक पुरस्कार - २०२१ २) संथाल आदिवासी समाज ३) भारत ४) मनीषा रूपेता ५) एम. के. स्टॅलिन
*संकलन :- जैपाल ठाकूर*
जि. प. व. प्राथ. शाळा भोसा,गोंदिया
📱9765943144
•••••••••••••••ஜ۩۞۩ஜ•••••••••••••••
🎂 *!!! आजचा वाढदिवस !!!* 🎂
•••••••••••••••ஜ۩۞۩ஜ•••••••••••••••
● सौ.कुसुम कवठाळे मॅडम
कै.गं.पो.सब्बनवार मा.विद्यालय.
● गोविंद पाटील जाधव रोशनगावकर
● एकनाथ डुमणे, मुखेड
● मंगेश हनवत्ते, नरसी
● साईनाथ पाटील मोकलीकर
● दिलीप साळुंके
● नागेश टिपरे
● विश्वनाथ चन्ने, कळमनुरी
● बालाजी गायकवाड
● शिवसांब गणाचार्य, नांदेड
● यादव एकाले
● पवनकुमार भाले, धर्माबाद
● आनंद पेंडकर, माहूर
● बंडू पाटील मोरे
● संजीवकुमार हामंद, करखेली
● मुखीत अहमद, नांदेड
● सतीश दरबस्तेवार, कुंडलवाडी
● शिनू दर्शनवाड, येवती
*सर्वाना वाढदिवसाच्या हार्दीक शुभेच्छा*
[ या बुलेटिनसाठी आपले किंवा आपल्या जवळच्या नातेवाईकांचे वाढदिवस शुभेच्छा एक दिवस अगोदर fmbuletin@gmail. com येथे mail करावे. ]
•••••••••••••••ஜ۩۞۩ஜ•••••••••••••••
••• ● ‼ *विचार धन*‼ ● •••
•••••••••••••••ஜ۩۞۩ஜ•••••••••••••••
*'दिवा' हा अशी एक शक्ती आहे ज्याशिवाय जग उजळून निघूच शकत नाही आणि उजाडल्याशिवाय वास्तवाचा प्रकाश पडत नाही. 'दिवा' हा वास्तवाची लख्ख जाणीव करून देणारा दृष्टीदाता, घनघोर अंधारातला विश्वासाचा सोबती असतो. तो प्रकाश देऊन सत्य उजागर करीत असतो. उजेडालाच एकमेव सत्याचा चेहरा लाभलेला आहे म्हणून प्रत्येकजण त्याचा याचक बनून आराधना करतो. सर्वच चांगल्या कार्याचा आरंभ करताना दिवे लावले जातात. ही गोष्ट हेच प्रतीत करते की, अजूनही आमच्या जगण्यातला अंधार पूर्णत्वाने नाहीसा झालेला नाहीये.., पण तो आम्हाला निश्चितपणे दूर करायचा आहे, या निश्चयाचे हे प्रतीक.*
*प्रत्येकाच्या मनातही असा उजेड निर्माण होण्यासाठी म्हणून माणुसकीचा दिप लावायला मात्र आम्ही सपशेल विसरून जातो. तशी तर प्रत्येकाला उजेडाची आस असते, पण डोक्यात कुठल्या न कुठल्या प्रकारचा अंधार असतो. जेव्हा हा अंधार पूर्णत्वाने दूर होतो, त्यावेळी ती व्यक्ती तेजाने उजळते आणि अनेक पिढ्यांना प्रकाशमान करते..आपल्या मेंदूतले असे सारे अंधारकोपरे उजळून निघावेत नि आपल्यातला माणूस तेजाने तळपू लागावा, यासाठी आपण 'दिपपूजन' का करू नये? जळणं वा तेवणं हे जिवंत असल्याचं द्योतक, परंतु दिव्याचं जळणं हे कधी स्वत:साठी नसतं. ते इतरांना प्रकाश देण्यासाठीच जळत असतात. इतरांना उजाळण्यातच त्यांच्या जळण्याची सार्थकता असते. आज-उद्या 'दिप अमावस्या आहे. व्यसनाधीन होऊन बेशुद्ध होण्यापलीकडेही आयुष्य असतं हे ठळकपणे दर्शवणारी 'दर्श-अमावस्या'! आपल्या ह्रदयात निरंतर ज्ञानाचा दिवा तेवत ठेवायला याहून उत्तम दिवस नाही..शुभेच्छा!*
*॥ रामकृष्णहरी ॥*
💡💡💡💡💡💡💡💡💡
*श्री. संजय नलावडे, मुंबई*
*मोबाईल - 9167937040*
•••••••••••••••ஜ۩۞۩ஜ•••••••••••••••
🎖️ *ज्ञानवर्धक*🎖️
*🖥️ संस्कारमोती चॅनल 💻*
•••••••••••••••ஜ۩۞۩ஜ••••••••••••••
*Learn Fruit Name फळांची नावे👇*
*व्हिडीओ-लिंक👇*
https://youtu.be/vjhQPhdlH7M
~~~~~~~~~~~~~~~~~~~
🎥 व्हिडीओ निर्मिती -
*सारिका आचमे, नांदेड*
📱9960217083
~~~~~~~~~~~~~~~~~~~
•••••••••••••••ஜ۩۞۩ஜ•••••••••••••••
*🎯 आजचे विचारवेध......✍🏻*
•••••••••••••••ஜ۩۞۩ஜ•••••••••••••••
जी व्यक्ती सातत्याने कष्ट करते त्या व्यक्तीमध्ये प्रामाणिकपणा, जिद्द, चिकाटी, नम्रता, आपल्या माणसांविषयी व इतराविषयी आत्मियता हे गुण नक्कीच असतात. तो कधीही इतरांची बरोबरी करत नाही. ती आपली सारी स्वप्ने आपल्या हातातच आहेत आणि त्या हातातून जे काही घडते तेच आपले प्रारब्ध आणि तेच आपले विश्व समजते. अशा व्यक्तीच्या मनामध्ये कधीही कुणाचे वाईट व्हावे आणि आपलेच चांगले व्हावे असे विचार आणत नाही. म्हणून अशा व्यक्ती जीवनात पूर्णतः समाधानी असतात.
© व्यंकटेश काटकर,नांदेड.
संवाद..९४२१८३९५९०.
🍃🍂🍃🍂🍃🍂🍃🍂🍃
••••••••••••••••ஜ۩۞۩ஜ•••••••••••••••
🎭 *आजची फ्रेश बोधकथा* 🎭
•••••••••••••••ஜ۩۞۩ஜ•••••••••••••••
*तिहेरी फिल्टर*
एके दिवशी एक व्यक्ती महान चाणक्याला भेटली आणि म्हणाली, 'मी तुमच्या मित्राबद्दल जे काय ऐकले ते तुम्हाला मी सांगूं का?
'एक मिनिट थांबा' चाणक्यने उत्तर दिले. 'काही सांगण्यापूर्वी मी थोडीशी तुमची परीक्षा घेतो, परीक्षेत उत्तीर्ण झालात तरच सांगा, आपण याला.' ट्रिपल फिल्टर चाचणी असे म्हणू...... चालेल?
ती व्यक्ती म्हणाली, 'तिहेरी फिल्टर?'ठीक आहे.
चाणक्य पुढे म्हणाला. 'माझ्या मित्राबद्दल माझ्याशी बोलण्यापूर्वी, तुम्ही जे काय म्हणणार आहात, ते फिल्टर करणे चांगले आहे, म्हणूनच मी त्याला तिहेरी फिल्टर चाचणी म्हणतो, आता पहिला फिल्टर, तुम्ही जे सांगणार आहात, ते सत्य आहे का? '
थोडस थांबून ती व्यक्ती म्हणाली 'नाही,' 'खरंच मी त्याबद्दल ऐकले आणि .......'
'ठीक आहे,' चाणक्य म्हणाले तुम्ही जे मला सांगणार आहात ते खर आहे, याची खात्री नाही तुम्हाला?, आता दुसरा फिल्टर, आता चांगुलपणाचे फिल्टर वापरून पाहूया. आपण माझ्या मित्राबद्दल काहीतरी सांगणार आहात ते त्याच्या बद्दलचे चांगले विचार आहेत काय?'
ती व्यक्ती म्हणाली 'नाही, उलट ........' 'मग, मधेच तोडत चाणक्य पुढे म्हणाले,' तू मला त्याच्याबद्दल काहीतरी वाईट सांगू इच्छित आहेस आणि ते खरे आहे की नाही याची शाश्वती नाही, ठीक आहे, आता उपयुक्तता फिल्टर हा शेवटचा फिल्टर..... जे तू मला माझ्या मित्राबद्दल सांगणार आहेस ती माहिती मला उपयोगी असणार आहे काय?'
'नाही, तशी तुम्हाला ती उपयुक्त खरंच नाही' ती व्यक्ती ओशाळत म्हणाली.
'ठीक आहे,' म्हणजे 'जर तुम्ही मला सांगू इच्छिता, ते ना सत्य आहे,ना चांगले आहे , ना मला उपयोगी देखील आहे, तर मला ते का सांगता आहात?'
प्रत्येक वेळी आपल्या जवळच्या प्रिय जनाबद्दल, मित्रा बद्दल ऐकताना या तिहेरी फिल्टरचा वापर करा. मैत्रीवर भरवसा ठेवा,
हे तिहेरी फिल्टरचे शास्त्र खरोखर खूप उपयुक्त आहे. आपसातील गैरसमज दूर ठेवायचे असतील तर प्रत्येक व्यक्तीने हे तिहेरी फिल्टर आचरणात आणायला पाहिजे .
हीच आहे चाणक्य-नीती.
*संकलक :- प्रमिलाताई सेनकुडे, नांदेड*
जि.प.प्रा.शा. गोजेगाव
ता.हदगाव, जि. नांदेड
http://www.pramilasenkude.blogspot.in
📱 9403046894
•••••••••••••••ஜ۩۞۩ஜ•••••••••••••••
*बुलेटीन विषयी वाचकांची प्रतिक्रिया*
•••••••••••••••ஜ۩۞۩ஜ•••••••••••••••
सप्रेम नमस्कार,
मी मधुकर चिंतामण पवार, प्रेरणा विद्यालय सोनावळे, ता.मुरबाड, जिल्हा ठाणे.
सर्वप्रथम चार वर्षांचा प्रवास अविरत पूर्ण केल्या बद्दल "फ्रेश मॉर्निंग बुलेटीन "टिमचे मनपुर्वक अभिनंदन 🌹🌹
2 सप्टेंबर 2018 रोजी "फ्रेश मॉर्निंग बुलेटीन "गृपला जोडलो गेलो आणि वाचक बनलो."सकाळच्या पहिल्या सूर्यकिरणासोबत आपल्या मोबाईलवर येणारी पहिली पोस्ट".या वाक्याच्या अक्षरशः प्रेमात पडलो.शालेय परिपाठासाठी वाहून घेतलेल्या या गृपच्या सहवासात परिपाठाचं महत्व खर्या अर्थाने कळलं.गृपमधलं सर्व संकलन,निवेदन अगदी प्रमाणबद्ध व अर्थपुर्ण.
नासाजिंच वृत्त निवेदन व स्तंभलेखन अप्रतीम.
संतोषजिंच दिनविशेष संकलन,
कुणालजिंच्या बातम्या संकलन,
राजेंद्रजींची विशेष माहिती.
सौ.भारतीजींचा फ्रेश सुविचार.
संगीताजींची प्रश्नमंजुषा ,
वाढदिवसाच्या शुभेच्छा..
एकनाथजींच कबिरांचे बोल,
व्यंकटेशजिंच विचारधन,
प्रमिलाताईंची बोधकथा सारं सारं अप्रतीम.माझं महतभाग्य मी आपल्या गृपचा सदस्य आहे.
पुढील वाटचालीसाठी खुप खुप शुभेच्छा 🙏💐🍫❤🌹🌷💛💚🧡👍
•••••••••••••••ஜ۩۞۩ஜ•••••••••••••••
आपल्या सूचना, निवेदन, अभिप्राय, बातम्या, वाढदिवस, माहिती किंवा शंका fmbuletin@gmail.com येथे कळवावे.
•••••••••••••••ஜ۩۞۩ஜ•••••••••••••••
~~~~~~~~~~~~~~~~~~~
*🎤 मुख्य संकलक-नासा येवतीकर 📢*
📱 9423625769
~~~~~~~~~~~~~~~~~~~
*🙏 🙏 धन्यवाद 🙏 🙏* पुन्हा भेटू उद्या
फ्रेश मॉर्निंग बुलेटिनमध्ये तोपर्यंत नमस्कार
~~~~~~~~~~~~~~~~~~~
कोई टिप्पणी नहीं:
एक टिप्पणी भेजें